點揀好?搬屋公司存倉pk迷你倉!

如果您要搬屋,舊居要交吉但係新居又未收樓,又或者等緊新屋裝修時,要搵個地方存放物品,究竟搵迷你倉定直接用搬屋公司嘅存倉服務呢?等我哋同大家分析吓兩種存倉嘅分別喺邊啦!

迷你倉的大細呎寸

市面上有大大小小的迷你倉俾人選來租,呎寸大概由最小的8呎去到200呎,甚至幾百呎嘅都有,價錢自然係視乎大細而定。一般黎講愈大的迷你倉呎價就愈平,參考返一啲迷你倉嘅資料,一般最細8呎櫃可以擺到兩個紙箱、兩個大型行李箱、三個小型行李箱同埋膠箱仔左右啦,通常都係用嚟擺放小型物品,例如玩具、CD、雜誌、紀念品等等。如果您係搬屋而又有床、櫃、梳化等大型傢俬要擺放嘅話,最好都係租用卡板。

一般搬屋公司會用一個個大倉來存放客人嘅物件,由幾十呎去到幾百呎都有!基本上都係以存放大型傢俬同電器為主,價錢視乎物件佔用嘅空間而定。如果您係搵搬屋公司搬屋而又需要存倉服務嘅話,一條龍來說,直接使用佢哋嘅服務自然更低價。

租期的分別

好多迷你倉都會要求客人預先簽定幾個月至1年合約,甚至退租時都需要您提早通知,所以如果您只係因為裝修或搬屋需要暫時存倉的話,最好都係留意返佢哋最短的租期同價錢,又或者使用搬屋公司嘅存倉服務,通常佢哋都有長期及短期嘅存倉服務俾客人揀,而且空間較大,較適合需要擺放大量傢俬之客人。

地點及搬運服務

無論係迷你倉,定係搬屋公司存倉提供的倉存服務,喺選擇時都需要考慮埋倉嘅地段,正常就當然係選擇返最近自己屋企嘅位置,方便自己搬運及節省出倉所花費的時間。香港有好多迷你倉公司,幾乎港九新界都可以搵到,甚至同一區都有好多倉俾您揀!反而多數搬屋公司都係得一、兩個倉,亦唔係每一間都能提供存倉服務,所以地點及數量一定唔會夠迷你倉多。

至於搬運方面,一定係搬屋公司較為方便,由於大部份客人都係喺搬屋、裝修、公司搬遷等等有大型傢俬及電器需要存倉時先會使用,所以佢哋會用埋搬屋公司嘅搬運服務,一條龍包哂搬屋、存倉、出倉等服務,唔洗煩之餘亦會較平。而如果您係將傢俬放入迷你倉嘅話,到時可能需要再請搬運公司或者貨車司機幫手。私隱度又會較高。

安全設備及其他系統

其實喺早幾年發生過迷你倉大火後,為了保障返客人及公司財產,所有有提供倉存服務的公司都該因應消防條例去安裝安全及防火設備,同時亦會因應唔同類型客人嘅需要而設有唔同類型嘅倉,例如有專擺鋼琴的倉、單車倉、玩具倉等等,24小時空調系統等等,而客人更可以24小時出入自己的倉,可以無限次隨時搬運自己嘅物品,但要注意某啲大廈未必係24小時開放,詳情需要向該大廈之管理處或迷你倉公司查詢。

同迷你倉一樣,大部份搬屋公司都會有消防及安全設備,他們同樣提供24小時空調系統,但係就唔可以俾客人隨時出入,因為通常佢哋的倉庫都唔係完全獨立,要保障返其他客人嘅財產及安全。雖然而家唔可以自由出入,但係好多搬屋公司都會有安裝CCTV做24小時監察,同時亦會為客人的傢俬物件做好包裝先入倉。

總結嚟講,兩種存倉服務都各有優缺點,好視乎您嘅需要而定,如果您係想喺搬屋或裝修期間存放傢俬電器的話,建議您搵返搬屋公司,一次過包搬運及存倉,非常方便;而如果您只係想長期擺放衣服、玩具、單車、行李箱等等物件嘅話,長沙灣迷你倉荔枝角迷你倉就更為適合。
*我們提供除了倉存服務之外,還有卡板存放服務,搬屋找地方?當然是找富途迷你倉,收費優惠,街坊價格,很多客戶慢慢地成為了我們的朋友。
*如需要安排叫車服務,代收卡板服務,長租、短租倉庫,找富途就對了。借喳車,借手推車,借包膠,找富途就對了。